Toshkent shahar Ichki ishlar bosh boshqarmasi xodimlari kiberxavfsizlik bo‘yicha ma'ruza o‘tkazdi.

17 июль 2024

Institutda Toshkent shahar Ichki ishlar bosh boshqarmasi xodimlari tomonidan kiberxavfsizlik bo‘yicha brifing bo‘lib o‘tdi. Tadbir institut xodimlarining zamonaviy kibertahdidlar va ularni oldini olish yo‘llari to‘g‘risida xabardorligini oshirishga qaratildi.

Plastik kartochkalardan foydalanishda xavfsizlikni ta’minlash va noqonuniy kreditlar berishning oldini olishga alohida e’tibor qaratildi. Ishtirokchilarga ma’lumotlarni himoya qilish usullari, murakkab PIN-kodlardan foydalanishning ahamiyati va moliyaviy operatsiyalarni muntazam monitoring qilish haqida so‘zlab berildi. Shuningdek, xavfsiz internet toʻlovlari va kartalarni jismoniy himoya qilish boʻyicha tavsiyalar berildi.

Ichki ishlar boshqarmasi xodimlari ham kiberjinoyatlarni aniqlash va tergov qilish bo‘yicha o‘z tajribalari bilan o‘rtoqlashdi, shubhali harakatlar aniqlanganda tezkor choralar ko‘rish zarurligini ta’kidladi. Brifing ishtirokchilariga firibgarlik va noqonuniy moliyaviy operatsiyalarning oldini olish bo‘yicha materiallar taqdim etildi.

Tadbir savol-javoblar bilan yakunlanib, institut xodimlariga o‘zlarini qiziqtirgan mavzular bo‘yicha qo‘shimcha tushuntirishlar olish imkonini berdi.